Manylion Swydd Wag

Disgrifiad

Cyngor Bwrdeistref Sirol Wrecsam

Prentisiaid Corfforaethol 2023

Cyfraddau cyflog Blwyddyn 1: £5.28 yr awr,

£10,186 y flwyddyn

Lleoliad: Amrywiol, 37 awr yr wythnos

Cyfnod: 2 flynedd

Mae gennym ni leoliadau Prentisiaeth newydd gwych yng Nghyngor Bwrdeistref Sirol Wrecsam mewn amrywiaeth o feysydd gwasanaeth.  Byddai’r cyfleoedd hyn yn lle gwych i ddechrau eich gyrfa a gweithio tuag at gymhwyster a gydnabyddir yn genedlaethol mewn maes sydd o ddiddordeb i chi.  Yn y gwaith, byddwch chi’n cael cefnogaeth lawn gydag amrywiaeth o gyfleoedd ac yn manteisio ar brofiad gwaith amrywiol a gwerthfawr. Os hoffech chi ddechrau eich gyrfa gyda’n Cyngor ni a chael datblygiad wedi’i deilwra’n bersonol a fydd yn eich cynorthwyo chi yn y dyfodol i gael cyfleoedd gwaith gyda ni yma yn Wrecsam, darllenwch y ganllaw a gwnewch gais yn awr i ddechrau ym mis Medi!

Rydym ni’n chwilio am unigolion sydd ag ymagwedd, gwerthoedd ac ymddygiadau cywir tuag at waith ac sy’n dyheu am gael gweithio i ni i wasanaethu dinasyddion Cyngor Bwrdeistref Sirol Wrecsam.

Mae nifer o leoliadau mewn gwasanaethau ar gael ar hyn o bryd yn:

- Y Gwasanaethau Ymyrraeth Gynnar ac Addysg

- Cyllid a TGCh

- Llywodraethu a Chwsmeriaid (Cyfreithiol, Gwasanaethau Cwsmeriaid)

- Tai

- Gofal Cymdeithasol

- AD a DS, Perfformiad a Gwelliant

- Economi a Chynllunio

Darllenwch ein canllaw ar brentisiaethau sydd ar gael ar y dudalen swyddi. Mae hon yn egluro’r sgiliau sydd eu hangen, beth i’w gynnwys ar y ffurflen gais a rhagor o wybodaeth am y lleoliadau hyn.

Gellir cyflwyno eich cais trwy gwblhau'r ffurflen ar-lein trwy'r ddolen yma Ffurflen Gais

Noder bod hi'n bosib cwblhau'r ffurflen heb gyfrif FyNghyfrif am fod yna opsiwn i barhau heb fewngofnodi.   Os oes gennych unrhyw ymholiadau neu broblemau cyflwyno eich cais, e-bostiwch hrservicecentre@wrexham.gov.uk

Ewch i’n tudalen we i gael rhagor o wybodaeth: Gweithio i ni | Cyngor Bwrdeistref Sirol Wrecsam

Os oes gennych chi unrhyw ymholiadau, cysylltwch â’r Ganolfan Gwasanaethau Adnoddau Dynol ar 01978 292070

Mae ceisiadau yn cau am hanner nos ar 14 Mai 2023

Bydd y Ganolfan Asesu/Cyfweliadau yn cael eu cynnal ar ôl y dyddiad cau.

Mae’r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.