Manylion Swydd Wag

Disgrifiad

Cyngor Bwrdeistref Sirol Wrecsam

Gwaith Amgylcheddol dan Hyfforddiant 2023

Mae cyflog y Cynllun Gwaith Amgylcheddol dan Hyfforddiant yn dechrau ar £20,258 y flwyddyn

Lleoliad: Gwasanaethau Amgylchedd a Thechnegol, 37 awr yr wythnos

Cyfnod: 2 flynedd

Mae gennym ni leoliadau Prentisiaeth newydd gwych yng Nghyngor Bwrdeistref Sirol Wrecsam a fydd yn dechrau ym mis Medi 2023.  Un o’r Cynlluniau Prentisiaeth yw’r gwaith Amgylcheddol dan Hyfforddiant. Mae hon yn rhaglen dros ddwy flynedd a fydd yn cynnig cyfleoedd profiad gwaith gwerthfawr a bydd yn eich helpu chi i ddatblygu eich sgiliau a’ch gwybodaeth a’r bwriad yw cael gwaith parhaol yng Nghyngor Wrecsam yn y pen draw.  Mae’r Gwaith dan Hyfforddiant yn gynllun 2 flynedd sy’n cyfuno gwaith mewn swyddfa a gwaith ar safleoedd, gan roi sgiliau a phrofiad i’r unigolion yn ogystal â magu eu hyder.

Bydd gennych chi fentor dynodedig i'ch arwain chi drwy 8 gwahanol leoliad, tri mis o hyd ledled y Gwasanaeth Amgylchedd a Thechnegol a all gynnwys:

-              Gwastraff ac ailgylchu

-              Cynnal a Chadw Priffyrdd

-              Cefnogaeth i Fusnesau

-              Rheoli Prosiectau

-              Strategaeth Gwastraff

-              Contractau a Pheirianneg

-              Cludiant

-              Gorfodi

-              Tîm Lleihau Carbon

-              Rheoli Fflyd

-              Amlosgfa a Mynwentydd

-              Gwaith Stryd

-              Tîm Mannau Agored

-              Goleuadau Stryd

Os oes gennych chi ddiddordeb mewn dechrau eich gyrfa gyda’n Cyngor ni, darllenwch ein canllaw ar brentisiaethau sydd ar gael ar y dudalen swyddi.  Mae hon yn egluro’r sgiliau sydd eu hangen, beth i’w gynnwys ar y ffurflen gais a rhagor o wybodaeth am y lleoliadau hyn.

Gellir cyflwyno eich cais trwy gwblhau'r ffurflen ar-lein trwy'r ddolen yma Ffurflen Gais

Noder bod hi'n bosib cwblhau'r ffurflen heb gyfrif FyNghyfrif am fod yna opsiwn i barhau heb fewngofnodi.   Os oes gennych unrhyw ymholiadau neu broblemau cyflwyno eich cais, e-bostiwch hrservicecentre@wrexham.gov.uk

Rydym ni’n chwilio am unigolion sydd ag ymagwedd, gwerthoedd ac ymddygiadau cywir tuag at waith ac sy’n dyheu am gael gweithio i ni i wasanaethu dinasyddion Cyngor Bwrdeistref Sirol Wrecsam.

Ewch i’n tudalen we i gael rhagor o wybodaeth: Gweithio i ni | Cyngor Bwrdeistref Sirol Wrecsam

Os oes gennych chi unrhyw ymholiadau, cysylltwch â’r Ganolfan Gwasanaethau Adnoddau Dynol ar 01978 292070

Mae ceisiadau yn cau am hanner nos ar 14 Mai 2023.

Bydd y Ganolfan Asesu/Cyfweliadau yn cael eu cynnal ar ôl y dyddiad cau. 

Mae’r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.