Manylion Swydd Wag

G11 £40,478 - £43,516 y flwyddyn 

Mae Cyngor Bwrdeistref Sirol Wrecsam yn chwilio am Reolwr Tîm Cynorthwyol profiadol ar gyfer ei Dîm Plant Sy’n Derbyn Gofal.  Byddwch yn un o ddau Reolwr Tîm Cynorthwyol sy’n adrodd i’r Rheolwr Tîm, a gyda’ch gilydd rydym am i chi ddarparu ein gweledigaeth ar gyfer Plant sy’n Derbyn Gofal Wrecsam a’u gofalwyr. 

Rydym am i Wrecsam fod yn lle sy’n rhoi cyfle i blant sy’n derbyn gofal feithrin perthnasoedd gydag un neu fwy o oedolion sy’n gofalu amdanynt drwy gydol eu plentyndod a thu hwnt, ac sy’n eiriolwyr rhagorol dros y plant  yn eu gofal.

Rydym am i blant sy’n derbyn gofal deimlo’n ddiogel a bod rhywun yn eu caru ac am iddynt dderbyn yr addysg orau bosibl i’w paratoi ar gyfer bywyd fel oedolyn.

I gwrdd â’r amcanion hyn rydym yn chwilio am rywun a fydd yn gallu sicrhau gwasanaethau o’r ansawdd uchaf sy’n rhagori ar y safonau cenedlaethol. Bydd yn ofynnol i chi weithio ar draws y gwasanaeth a’r cyngor a gyda phartneriaid i dyfu’r gwasanaeth mewn marchnad gynyddol gystadleuol.

Bydd yn rhaid i chi fod â phrofiad o weithio gyda phlant sy’n derbyn gofal gan ddod â syniadau arloesol a fydd yn cefnogi eich ymarferwyr i ddarparu’r gwasanaeth gorau posibl i blant sy’n derbyn gofal Wrecsam a’u gofalwyr. 

Mae angen gwiriad manwl gan y Gwasanaeth Datgelu a Gwahardd a chofrestriad Gofal Cymdeithasol Cymru ar gyfer y swydd hon.

Mae’r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.