Manylion Swydd Wag

Disgrifiad

Mae Gwasanaeth Plant a Phobl Ifanc Wrecsam yn edrych i benodi Ymgynghorydd Personol brwdfrydig a llawn cymhelliant  i weithio yn y Tîm Gadael Gofal ar Secondiad/Dros dro am 6 mis. Bydd eich rôl yn cefnogi a helpu pobl ifanc sy’n derbyn gofal neu’n gadael gofal i allu pontio’n llwyddiannus i fyd oedolion annibynnol drwy sicrhau fod y broses Cynllunio Llwybr yn cael ei ddefnyddio a’i weithredu’n llawn.  Bydd angen i chi eirioli ar eu rhan i sicrhau bod eu hawliau yn cael eu cwrdd yn llawn; i gyfeirio at asiantaethau eraill ac i ddatblygu perthnasau gwaith effeithiol ag agos gydag asiantaethau allweddol i hwyluso ymateb aml asiantaeth wedi’i gydlynu i anghenion yr unigolion sy’n gadael gofal a’u cynnwys nhw, eu teuluoedd a’u gofalwyr yn y gwaith o gyflawni’r cynlluniau. 

Yn ddelfrydol dylai fod profiad gan ddeilydd y swydd o weithio gyda phobl ifanc cythryblus ac/neu o dan anfantais mewn amgylchedd perthnasol, profiad o reoli llwyth gwaith a blaenoriaethu galw cystadleuol a gwybodaeth o’r achosion sydd yn effeithio pobl ifanc ‘sy’n Derbyn Gofal’ neu yn Gadael Gofal.

Mae angen gwiriad manwl gan y Gwasanaeth Datgelu a Gwahardd ar gyfer y swydd hon.

Mae’r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.