Manylion Swydd Wag

Disgrifiad

Gofal Cartref 

Recriwtio staff gofal hirdymor

G05 £26,403 - £27,254 per annum

Rydym yn chwilio am staff i weithio o fewn y gwasanaeth gofal cartref hirdymor ar benwythnosau, i ddarparu gofal a chymorth i unigolion sy'n byw yn eu cartrefi eu hunain ledled bwrdeistref Wrecsam.

Mae cyfle cyffrous wedi codi i rywun sy’n frwdfrydig am waith cefnogi, sydd eisiau gwneud gwahaniaeth i fywydau pobl er mwyn iddynt allu aros yn eu cartrefi eu hunain am fwy o amser, a rhywun sy’n awyddus i dderbyn her. 

Ydych chi’n ystyried eich hun yn rhywun deinamig, llawn cymhelliant, sydd ag empathi a pharch?

Mae ein gwasanaeth cefnogaeth nos gofal cartref / ailalluogi yn chwilio am bobl fel chi. 

Bydd yr ymgeisydd delfrydol yn deall y gwahaniaethau mewn eraill ac yn ymdrechu i ddarparu gwasanaeth sy’n canolbwyntio ar yr unigolyn. Bydd yn gweithio’n dda fel aelod o dîm ac ar ei liwt ei hun a bydd yn gallu dilyn cynlluniau a chael gwared ar rwystrau i sicrhau bod canlyniadau’n cael eu cyflawni. Bydd yn hyblyg o ran dull gwaith ac yn ymroi i wneud gwahaniaeth cadarnhaol.

Mae’r gwasanaeth gwerthfawr hwn yn gweithio dros y sir gyfan, gan ddarparu cefnogaeth i oedolion diamddiffyn, rhwng 10pm a 7am dros 7 diwrnod yr wythnos yn gysylltiedig â’n gwasanaethau ehangach yn cynnwys gofal brys, y gwasanaeth ailalluogi ac i ddarparu cefnogaeth hirdymor. 

Mae gwahanol fuddion yn cyd-fynd â’r swydd: 

• Darperir ceir Cyngor istaff, sydd â system lwybro er mwyn darparu diogelwch ychwanegol i staff, felly mae trwydded yrru gyfredol a llawn yn hanfodol.
• Oriau gweithio hyblyg sy’n cynnig cydbwysedd bywyd a gwaith cadarnhaol
• Cyfleoedd i ddatblygu
• Iwnifform wedi’i darparu
• Cynllun pensiwn gwych 

Oherwydd natur anghenion yr unigolyn rydym ni’n eu cefnogi ar hyn o bryd, mae gofyniad galwedigaethol gwirioneddol i’r swydd gael ei llenwi gan staff benywaidd.

I gynorthwyo unrhyw ymgeiswyr sydd â diddordeb, rydym ni’n cynnig sesiynau cwrdd a chyfarch i helpu i roi arweiniad a chyngor am y swydd, ac unrhyw gefnogaeth os oes angen help i wneud cais.

Rydym yn gweithredu cynllun sicrhau cyfweliad ar gyfer ymgeiswyr â'r cymwysterau priodol sydd ag anableddau ac rydym wedi ymrwymo i Gyfleoedd Cyfartal.

Mae Cyngor Wrecsam yn croesawu ceisiadau gan ymgeiswyr cymwys beth bynnag fo'u hil, rhyw, anabledd, tueddfryd rhywiol, crefydd neu oedran.

Mae Gofal Cymdeithasol i Oedolion yn ceisio cynyddu nifer ei weithlu sy’n siarad Cymraeg i gwrdd ag anghenion y gymuned rydym ni’n ei gwasanaethu, felly byddwn yn croesawu ceisiadau gan ymgeiswyr sy’n gallu gweithio yn Gymraeg a Saesneg.