Manylion Swydd Wag

Disgrifiad

G07 - £23,836 - 25,295 pro rata

18.5 awr

Mae Gwasanaeth Mabwysiadu Gogledd Cymru (GMGC) yn chwilio am 1 Cydlynydd Gwasanaeth Pobl Ifanc i ymuno â’n tîm ymroddedig o staff.  Bydd deiliad y swydd yn gweithio yng Nghonwy ond bydd disgwyl iddo/iddi deithio ledled gogledd Cymru i ddarparu’r gwasanaeth.

Yn y swydd newydd sbon hon mae gofyn i ddeiliad y swydd:

 ·         Sefydlu grwpiau cymorth sy’n addas i oedran plant a phobl ifanc sydd wedi’u mabwysiadu yng ngogledd Cymru   

·         Meithrin a chynnal perthnasoedd gwaith positif ac effeithiol gyda phlant sydd wedi'u mabwysiadu a hyrwyddo mynediad at wasanaethau grwpiau cymorth ar eu cyfer

·         Gweithredu fel eiriolwr i blant a phobl ifanc sydd wedi’u mabwysiadu a’u cefnogi i gyflawni eu nodau unigol  

·         Cynorthwyo i ddarparu elfennau o’r gwasanaeth sy'n gysylltiedig ag unigolion a grwpiau  

·         Defnyddio ymyriadau sy'n addas i gam datblygiad y plentyn   

·         Gweithio ar eich menter eich hun, yn unol â’r holl asesiadau risg, a chynlluniau gofal i hyrwyddo lles plant unigol  

·         Datblygu’ch sgiliau proffesiynol ar ffurf datblygiad parhaus

Mae hwn yn gyfnod cyffrous i ymuno â Gwasanaeth Mabwysiadu Gogledd Cymru ac rydym yn awyddus i dderbyn ceisiadau gan bobl brofiadol a llawn cymhelliant sydd â diddordeb mewn datblygu eu gwybodaeth a’u sgiliau ym maes Mabwysiadu.