Manylion Swydd Wag

Disgrifiad

Cyflog G09 - £30,451 - £32,910 y flwyddyn

Mae’r Tîm Cymorth i Deuluoedd Gwasanaethau Plant Wrecsam yn chwilio am weithwyr cymdeithasol i ymuno â’r tîm i ymgymryd â gwaith cymdeithasol cysylltiedig â gweithdrefnau diogelu/gofal plant.   Byddem yn croesawu gweithwyr cymdeithasol newydd gymhwyso ond gellid cynnig cyflog ar bwynt uwch ar y raddfa  gyflog yn ddibynnol ar gymwysterau a phrofiad.

Mae yna gyfleoedd ar gyfer gwneud cynnydd o fewn y tîm ac ystod eang o gyfleoedd hyfforddiant a datblygu ar gael i gefnogi datblygiad gyrfa.  Mae Gwasanaethau Plant Wrecsam ar siwrnai o welliant ac mae cefnogi a datblygu staff o fewn yr awdurdod yn rhan annatod o hyn.

Mae angen gwiriad manwl gan y Gwasanaeth Datgelu a Gwahardd a chofrestriad Gofal Cymdeithasol Cymru ar gyfer y swydd hon.

Mae’r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.