Manylion Swydd Wag

Disgrifiad

 G12 - £41,881 - £44,863

 Fe wnaeth Cyngor Bwrdeistref Sirol Wrecsam ddatgan Argyfwng Hinsawdd ac Ecolegol ym mis Medi 2019, ac ymrwymo i sefydlu Cynllun Datgarboneiddio yn manylu sut y byddwn yn gweithio tuag at y targed o fod yn ‘garbon niwtral’ erbyn 2030. Mae ein cynllun bellach wedi’i ddatblygu a’i gymeradwyo.   Fodd bynnag, rydym yn ymwybodol mai dim ond megis dechrau mae’r gwaith caled.   Rydym yn awyddus i benodi ‘Rheolwr Newid Hinsawdd a Gostwng Carbon’ gwybodus, sydd â’r gallu i arwain a chymell eraill.    Bydd deiliad y swydd yn arwain ar ddarpariaeth barhaus a datblygiad pellach Strategaeth a chynllun Datgarboneiddio Cyngor Wrecsam, yn ogystal â darparu rheolaeth rhaglen ac arweiniad strategol ar draws y Cyngor, gan sicrhau bod prosiectau’n cael eu darparu gyda phartneriaid a budd-ddeiliaid allweddol.   Bydd deiliad y swydd yn gweithio gydag Aelodau Etholedig, yr Uwch Dîm Arweinyddiaeth a swyddogion ym mhob gwasanaeth i sicrhau bod ein hymrwymiad i ddatgarboneiddio’n cael ei ymgorffori ym mhopeth a wnawn.   

 Mae’r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.