Manylion Swydd Wag

Disgrifiad

Tîm Anabledd Pob Oedran – Gweithiwyr Cymdeithasol Cofrestredig

Swyddi Parhaol – 37 a 30 awr yr wythnos ar gael

Ystyrir trefniadau gweithio rhan-amser a rhannu swydd i gefnogi cydbwysedd rhwng bywyd a gwaith

G09 £32,909 – £35,411

G10 £36,298 – £39,493

(yn dibynnu ar sgiliau a phrofiad perthnasol) 

Mae gan y Tîm Anabledd Pob Oedran gyfle cyffrous i weithwyr cymdeithasol ymuno â thîm arloesol a blaengar. 

Bydd yr ymgeiswyr llwyddiannus yn cyfrannu at ddull aml-asiantaeth y tîm i ddarparu gwasanaeth iechyd, gofal cymdeithasol a lles di-dor ar gyfer pobl anabl o bob oed a'u teuluoedd a’u gofalwyr. Mae Deddf Gwasanaethau Cymdeithasol a Llesiant (Cymru) (2014), Deddf Plant 1989 a Deddf Galluedd Meddyliol 2005 yn darparu fframweithiau deddfwriaethol i sicrhau bod y tîm yn cydymffurfio â dyletswyddau statudol a bod unigolion yn cael eu cefnogi i gyflawni canlyniadau cadarnhaol ar bob cam o’u bywydau. 

Byddwch yn gweithio gydag unigolion er mwyn eu galluogi i ganfod eu canlyniadau personol eu hunain. Bydd eich gwaith yn canolbwyntio ar yr unigolyn a'i rwydweithiau cefnogi, gan gynnwys teuluoedd, i hyrwyddo annibyniaeth, sicrhau bod gan yr unigolyn lais cryfach wrth wneud penderfyniadau a mwy o reolaeth yn eu bywydau. 

Hoffai’r tîm ddenu gweithwyr cymdeithasol brwdfrydig ar unrhyw lefel o brofiad i weithio ym maes plant, oedolion neu’r ddau. Bydd gan yr ymgeiswyr llwyddiannus sgiliau cyfathrebu ardderchog, profiad o weithio mewn tîm, profiad o weithio gyda phlant a/neu oedolion diamddiffyn a'r gallu i ymateb yn briodol i anghenion plant ac oedolion anabl gan gadw at ganllawiau, polisïau a safonau statudol. Mae’r Tîm Anableddau Pob Oed yn darparu cyfle i weithio mewn maes o arbenigedd penodol gyda’r posibilrwydd o ddatblygu sgiliau a phrofiad ymhellach i weithio ar draws holl agweddau’r tîm.

Yn gyfnewid am hyn, rydym yn cynnig: 

-        Goruchwyliaeth a chefnogaeth ardderchog gan reolwyr

-        Cefnogaeth wych gan gyfoedion

-        Cyfleoedd hyfforddi a datblygu parhaus

-        Cydbwysedd rhwng bywyd a gwaith, gan gynnwys gweithio’n hyblyg a rhannu swydd 

I gael sgwrs am y swyddi cysylltwch â Carys West, Rheolwr Tîm, ar 01978 298551 neu carys.west@wrexham.gov.uk.

Mae’r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed. 

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.