Manylion Swydd Wag

Disgrifiad

Dros dro am 18 mis

£4.30 yr awr am 12 mis

£9.25 yr awr am 6 mis

Mae Cyngor Wrecsam yn chwilio am brentis i ymuno â'r tîm Gwasanaethau Defnyddwyr TGCh.

Mae’r tîm yn darparu cymorth TGCh llinell gyntaf ac ail linell i 2,500 o aelodau staff ledled y sefydliad, ac mae hyn yn cynnwys cymorth wrth y ddesg gyda gliniaduron, ffonau symudol, argraffu ac ati.

Mae hon yn swydd sy’n canolbwyntio ar y cwsmer gyda chryn dipyn o ryngweithio gyda’r defnyddwyr.  Felly, er bod sgiliau TGCh sylfaenol da yn bwysig, y sgiliau allweddol yr ydym yn eu ceisio yw bod yn eiddgar i ddysgu, â’r gallu i addasu a sgiliau cyfathrebu rhagorol.

Mae hwn yn gyfle gwych i ennill profiad ymarferol o gymorth TGCh mewn sefydliad mawr, ochr yn ochr â chwblhau Diploma BTEC lefel 2 a 3 mewn Cymhwysedd Proffesiynol ar gyfer Gweithwyr Proffesiynol TG a Thelathrebu.

Mae’r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.