Manylion Swydd Wag

Disgrifiad

G07 £29,269 - £30,825

Mae’r Adran Gofal Cymdeithasol i Blant yn dymuno penodi unigolyn proffesiynol, ymroddgar a gofalgar yn ei wasanaeth Maethu yn Wrecsam. Bydd y Gweithiwr Cefnogi Teuluoedd yn ymgymryd â holl agweddau gwasanaethau cefnogi teuluoedd ar draws y timau. Bydd y swydd yn cynnwys gweithio’n uniongyrchol gyda phlant a gofalwyr maeth i gefnogi lleoliadau, hybu rhianta cadarnhaol, annibyniaeth, perthnasau iach ac i ddiogelu plant.

Bydd gennych gymwysterau perthnasol, un ai QCF neu NVQ3 mewn Iechyd a Gofal Cymdeithasol (Gofal Plant) neu gymwysterau Gofal Plant perthnasol eraill neu’r gallu  ymroddiad i ennill y QCF Lefel 3 o fewn terfyn amser penodol.

Gydag ymholiadau pellach am y swydd, cysylltwch â’r Rheolwr Tîm Maethu Danielle Ford: Danielle.ford@wrexham.gov.uk      

Mae angen gwiriad manwl gan y Gwasanaeth Datgelu a Gwahardd a chofrestriad Gofal Cymdeithasol Cymru ar gyfer y swydd hon.

Mae’r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg.