Manylion Swydd Wag

Rheoli, recriwtio, goruchwylio, cefnogi a datblygu gofalwyr maeth.

Yn Wrecsam rydym wedi datblygu tri chanolbwynt gwaith cymdeithasol sy’n cynnwys y canolbwynt recriwtio gofalwyr maeth, canolbwynt asesu gofalwr sy’n berthynas a’r tîm cymorth maethu. Mae hyn wedi galluogi Wrecsam i arbenigo eu gwasanaethau gan sicrhau bod gan y gweithwyr cymdeithasol ym mhob canolbwynt swyddogaeth benodol ble gallant gynnig profiad a chefnogaeth helaeth i ofalwyr maeth Wrecsam trwy gydol eu siwrnai, o fewn y broses asesu neu hyd at ofal hirdymor plentyn neu unigolyn ifanc.

Mae gan wasanaeth maethu Wrecsam gohort sefydlog a phrofiadol o staff, o’u gweithwyr cefnogi maethu hyd at lefelau uwch reolwyr. Mae Wrecsam yn falch o’r ffyrdd mae staff yn teimlo eu bod yn gallu mynd at eu rheolwyr ac uwch-reolwyr yn hyderus o ran unrhyw anawsterau neu broblemau sydd ganddynt. 

Mae Wrecsam yn buddsoddi’n barhaus yn ein gofalwyr maeth a staff gyda phecynnau hyfforddiant helaeth yn cael eu datblygu ar hyn o bryd i ddiwallu anghenion o fewn ein cymdeithas gyfan. 

Mae Wrecsam yn cynnig patrymau gweithio'n hyblyg sy’n creu gwell cydbwysedd gwaith / bywyd ar gyfer ein staff gan gynyddu cynhyrchiant a galluogi staff i weithio’n greadigol. 

Mae angen gwiriad manwl gan y Gwasanaeth Datgelu a Gwahardd a chofrestriad Gofal Cymdeithasol Cymru ar gyfer y swydd hon.

Mae’r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.