Manylion Swydd Wag

Disgrifiad

G05 £21,968 - £22,777 y flwyddyn 

37 awr 6 mis (148 awr bob 4 wythnos) 

Mae cyfle cyffrous wedi codi yn y Gwasanaethau Darparu; sy'n cwmpasu gwasanaethau sy'n canolbwyntio ar yr unigolyn sy'n helpu pobl ag anghenion cymhleth uwch (gan gynnwys anableddau dysgu a salwch meddwl) i wella eu hannibyniaeth ac ansawdd bywyd.

Mae ein timau yn ymroddedig i gefnogi unigolion i fyw mor annibynnol â phosibl trwy ofal cartref, cefnogaeth gymunedol, byw â chymorth, gofal ychwanegol, a byw'n lled-annibynnol.

Mewn ymdrech i gynyddu effeithlonrwydd, a sicrhau bod y gwasanaethau yn gallu dod yn fwy ymatebol nag erioed, rydym yn chwilio am berson deinamig, ymroddedig a brwdfrydig gyda sgiliau TGCh rhagorol, i helpu i ddatblygu a gweinyddu ein systemau rheoli staff electronig newydd sbon. monitro rheoliadau oriau gwaith, cymorth gyda rheoli hyfforddiant ymhlith tasgau eraill. Bydd gan yr ymgeisydd llwyddiannus brofiad ymarferol o systemau gwybodaeth; gallu hyfforddi eraill i'w defnyddio; a gweithio i derfynau amser tynn ac o dan bwysau. Byddant yn greadigol, yn arloesol ac yn gallu gweithio'n annibynnol ac fel rhan o dîm. Bydd ganddynt Ddyfarniad Lefel 3 mewn Addysg a Hyfforddiant (PTLLS - Paratoi i Addysgu yn y Sector Dysgu Gydol Oes) neu byddant yn barod i weithio tuag at gyflawni hyn; a byddai cymwysterau a phrofiad mewn systemau gwybodaeth rheoli cronfeydd data yn ddymunol.

Mae’r prif ddyletswyddau’n cynnwys:

• Dyrannu sifftiau a mewnbynnu data gyda monitro parhaus;

• Cefnogi Rheolwyr i gasglu gwybodaeth yn ymwneud â pherfformiad ar ffurf adroddiadau;

• Darparu swyddogaeth cymorth rheng flaen i sylfaen eang o ddefnyddwyr gyda sgiliau amrywiol;

• Datblygu systemau a phrosesau i wella effeithlonrwydd yn y timau.

Os hoffech gael sgwrs anffurfiol am y swydd hon, siaradwch â Kirsti Goodwin Rheolwr Tîm ar 01978 298491 neu e-bostiwch Kirsti.goodwin@wrexham.gov.uk 

Mae’r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed. 

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.