Manylion Swydd Wag

Disgrifiad

G07 £26,845 - £28,371 y flwyddyn

Mewnol yn Unig

Mae’r swydd hon yn yr Adran Tai a'i diben yw rhoi cefnogaeth a swyddogaeth gynllunio gwaith, gan reoli gweithwyr crefft mewnol yn yr adain atgyweirio Tai, sy’n gyfrifol am gynnal a chadw 11,300 o dai cyngor.

Byddwch chi’n rhoi cefnogaeth i’r tîm Ymateb i Geisiadau am Waith Atgyweirio Tai, yn rheoli a chofnodi tasgau ar gyfer dyddiaduron crefftwyr, cysylltu â chydweithwyr i sicrhau bod gwaith atgyweirio’n cael ei gwblhau mewn pryd ac sy’n bodloni’r cwsmer. 

Byddwch chi’n gyfrifol am dîm o 4 o gynllunwyr gwaith, gan sicrhau eich bod chi fel tîm yn bodloni pob targed o ran cwblhau atgyweiriadau. Byddwch chi’n dirprwyo ar ran yr Arweinydd Tîm ac yn ei gynorthwyo a’i gefnogi yn ôl yr angen ac fel arall byddwch chi’n ymgymryd â dyletswyddau Cynlluniwr Gwaith yn ddyddiol.    

Bydd deiliad y swydd yn weithiwr tîm cadarn sy’n gallu ei ysgogi ei hun, bydd ganddyn nhw sgiliau rhyngbersonol a chyfathrebu da ynghyd â sgiliau TG da ac yn gallu gwneud sawl tasg ar yr un pryd.

I gael sgwrs anffurfiol am y swydd cysylltwch â:

Gemma Jones – Arweinydd Tîm Datblygu Gweithredol a Chefnogaeth – 01978 315408 - gemma.jones@wrexham.gov.uk

Mae’r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.