Manylion Swydd Wag

Disgrifiad

Dadansoddwr Technegol Arweiniol TGCh – Rhwydweithiau 

G10 - £36,298 - £39,493 y flwyddyn

Dyma gyfle gwych i ymuno â thîm Isadeiledd TGCh prysur a datblygol Cyngor Bwrdeistref Sirol Wrecsam. Fel Dadansoddwr Technegol byddwch yn gweithio ar ystod eang o galedwedd a meddalwedd ym mhob maes gwasanaeth y Cyngor.

Yn y tîm Isadeiledd TGCh, yn atebol i’r Rheolwr Isadeiledd TGCh, byddwch yn chwarae rhan allweddol yn cefnogi technolegau rhwydwaith y Cyngor. Bydd eich gwaith yn amrywiol a bydd yn cynnwys gweithredu a chefnogi meddalwedd a chaledwedd lefel menter newydd a phresennol ar gyfer Cyngor Wrecsam, ei weithwyr, partneriaid busnes, budd-ddeiliaid gwasanaeth a’r cyhoedd. 

Bydd yr ymgeisydd llwyddiannus yn meddu ar wybodaeth a phrofiad o'r sgiliau a’r technolegau canlynol: 

·         Mae angen sgiliau rhwydwaith Cisco arbennig o dda. Mae’n rhaid iddynt fod wedi gweithio’n helaeth gyda rhwydwaith Cisco, ac yn gyfarwydd â dylunio, cefnogi a defnyddio llwybrydd, pwyntiau a switsys mynediad di-wifr Cisco

·         Profiad o reoli Cisco ISE

·         Profiad o reoli wal dân, Checkpoint yn ddelfrydol

·         Profiad helaeth o segmentu rhwydwaith (VLAN, VRF) a llwybro ar draws nifer fawr o safleoedd o bell yn defnyddio MPLS

·         Mae profiad o reoli dirprwy weinyddion ac unrhyw wybodaeth sy’n gysylltiedig â Smoothwall, Zscaler neu unrhyw ddirprwy gwmwl arall yn fanteisiol

·         Deall ‘Site-to-site’ a VPN cleientiaid

·         Mae dealltwriaeth gyffredinol o gyd-bwyswr llwythi ac unrhyw wybodaeth ynglŷn â Barracuda a Citrix Netscaler yn fanteisiol

·         Profiad o ffurfweddu meddalwedd monitro rhwydwaith (e.e. SNMP, Syslog, Netflow, Solarwinds neu debyg)

·         Sgiliau datrys problemau rhwydwaith 

Os ydych chi’n teimlo bod y swydd hon yn addas i chi, mae’n bwysig eich bod chi’n weithiwr TGCh proffesiynol trefnus a brwdfrydig a bod gennych chi ddull hyblyg ac arloesol o wneud eich gwaith. Dylech fod â phrofiad da mewn isadeiledd a chefnogi TG a gallu dangos dull systematig a dadansoddol o ddatrys problemau. Byddwch yn gallu blaenoriaethu eich llwyth gwaith a pherchen unrhyw dasg neu brosiect a roddir i chi. Byddwch yn meddu ar sgiliau cyfathrebu gwych ac yn mwynhau bod yn rhan o dîm llwyddiannus. 

Mae’r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed. 

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.