Manylion Swydd Wag

Disgrifiad

Dadansoddwr Technegol TGCh – Gweinyddion a Storio 

G09 £32,909 - £35,411 y flwyddyn 

Dyma gyfle gwych i ymuno â thîm Isadeiledd TGCh prysur a datblygol Cyngor Bwrdeistref Sirol Wrecsam. Fel Dadansoddwr Technegol byddwch yn gweithio ar ystod eang o galedwedd a meddalwedd ym mhob maes gwasanaeth y Cyngor. 

Yn y tîm Isadeiledd TGCh, yn atebol i’r Rheolwr Isadeiledd TGCh, bydd y swydd yn chwarae rhan allweddol wrth gefnogi technolegau Canolfan Ddata'r Cyngor. Bydd eich gwaith yn amrywiol a bydd yn cynnwys gweithredu a chefnogi meddalwedd a chaledwedd lefel menter newydd a phresennol ar gyfer Cyngor Wrecsam, ei weithwyr, partneriaid busnes, budd-ddeiliaid gwasanaeth a’r cyhoedd. 

Bydd yr ymgeisydd llwyddiannus yn meddu ar wybodaeth a phrofiad o'r sgiliau a’r technolegau canlynol: 

·         Profiad o reoli gweinyddion Microsoft Windows 2016/2019/2022

·         Profiad o reoli gweinyddion dros y we, VMWare yn ddelfrydol

·         Gwybodaeth dda am weinyddiaeth a rheolaeth SAN

·         Gwybodaeth am reoli adferiad trychineb ac wrth gefn

·         Gwybodaeth a phrofiad o ddefnyddio Active Directory/DHCP/DNS/Group Policy

·         Profiad o reoli pats a gwendidau

·         Gwybodaeth am O365/Microsoft Exchange

·         Gwybodaeth am reoli meddalwedd gwrthfeirysau

·         Gwybodaeth am reoli tystysgrifau TLS/SSL 

Os ydych chi’n teimlo bod y swydd hon yn addas i chi, mae’n bwysig eich bod chi’n weithiwr TGCh proffesiynol trefnus a brwdfrydig a bod gennych chi ddull hyblyg ac arloesol o wneud eich gwaith. Dylech fod â phrofiad da mewn isadeiledd a chefnogi TG a gallu dangos dull systematig a dadansoddol o ddatrys problemau. Byddwch yn gallu blaenoriaethu eich llwyth gwaith a pherchen unrhyw dasg neu brosiect a roddir i chi. Byddwch yn meddu ar sgiliau cyfathrebu gwych ac yn mwynhau bod yn rhan o dîm llwyddiannus. 

Mae’r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed. 

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.