Manylion Swydd Wag

Disgrifiad

Cydlynydd – Cymhorthwyr Teuluoedd

1 swydd 22 awr yr wythnos

G10 £36,298 - £39,493 pro rata

Dros dro tan 31/03/2025

Mae cyfle cyffrous wedi codi am Gydlynydd y tîm Cymhorthwyr Teuluoedd yn y Canolfannau Teuluoedd. Bydd y swydd yn ymwneud â rheoli tîm bach o weithwyr sy’n darparu’r rhaglen Cymorth Teuluoedd. Nod y tîm yw atal teuluoedd diamddiffyn rhag mynd yn ddigartref drwy hyrwyddo cynhwysiant cymdeithasol a mwy o annibyniaeth. Mae’r cymorth a gynigir yn cynnwys help i gyllidebu a hawlio budd-dal; gwneud cais am lety priodol i ddiwallu anghenion teuluoedd a’u helpu i sefydlu trefn ddyddiol gynaliadwy yn y cartref ac i cael mynediad at adnoddau yn eu cymunedau eu hunain.

Bydd gennych brofiad goruchwyliol a byddwch yn angerddol dros sicrhau bod y tîm yn gweithredu hyn y safonau uchaf posibl. Byddwch yn rhywun sy'n gallu gweithio ar eich liwt eich hun gyda sgiliau rhyngbersonol da a'r gallu i weithio mewn partneriaeth â rhieni a gweithwyr proffesiynol fel ei gilydd. Mae profiad o fonitro a gwerthuso gwaith yn hanfodol.

Mae’r Canolfannau Teuluoedd yn cynnig amrywiaeth o wasanaethau ataliol a bydd yr ymgeisydd llwyddiannus yn elwa o weithio ochr yn ochr â thîm o weithwyr sydd â phrofiad o rianta a rhianta arbenigol ym maes camddefnyddio sylweddau a chamdriniaeth ddomestig.

Os hoffech drafodaeth anffurfiol am y swydd, siaradwch â Julie Williams, Rheolwr Tîm Dros Dro y Canolfannau Teuluoedd ar 01978 295671. Anfonwch eich Mynegiant o Ddiddordeb at julie.williams@wrexham.gov.uk.

Mae angen gwiriad manwl gan y Gwasanaeth Datgelu a Gwahardd ar gyfer y swydd hon.

Mae’r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.