Manylion Swydd Wag

Disgrifiad

G05 £21,968 - £22,777 y flwyddyn

Diben y swydd yw cefnogi rhediad effeithiol y swyddogaeth/ yr adran o ddydd i ddydd a darparu cefnogaeth weinyddol lawn i’r tîm.

Mae’r swydd wedi’i lleoli o fewn y Tîm Asedau Strategol a bydd yn cyflawni amrywiaeth o ddyletswyddau gan gynnwys ymholiadau dros y ffôn/ e-byst, yn trefnu dyddiaduron a threfnu cyfarfodydd, darparu cefnogaeth prosesu geiriau a chefnogaeth excel sylfaenol i’r tîm yn dilyn templedi Adrannol a Chorfforaethol, ac unrhyw ofynion statudol e.e. Llythyrau, Adroddiadau, Ffurflenni, Polisïau Paratoi cyflwyniadau PowerPoint, adroddiadau ysgrifenedig a gohebiaeth ar ran Rheolwyr a chydweithwyr.Bod yn gyfrifol am goladu, mewnbynnu ac arbed data a gwybodaeth fanwl gywir gan ddefnyddio systemau Adrannol electronig ac ar bapur gan gynnwys cronfeydd data eiddo’r adrannau.  Bydd hynny’n cynnwys cyrchu ac echdynnu data, a’u cyflwyno i gydweithwyr uwch ar gyfer adroddiadau ac i ddibenion eraill.

Bydd y deiliad swydd yn gyfrifol am baratoi rotas a rheoli dyddiaduron ac unrhyw ddyletswyddau eraill yn unol â’r swydd ddisgrifiad, yn ôl cais gan yr Arweinydd Asedau Strategol.

I gael trafodaeth anffurfiol ynghylch y swydd a manylion ychwanegol ar y Disgrifiad swydd, cysylltwch â Steve Plack, Arweinydd Asedau Strategol Dros Dro ar 01978 315676 - Steve.plack@wrexham.gov.uk

Mae’r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.