Manylion Swydd Wag

Disgrifiad

Swyddog Cynnal a Chadw Adeiladau

G09 £32,909 - £35,411 y flwyddyn

Mae’r Adran Tai yn dymuno recriwtio unigolyn brwdfrydig sy’n gweithio’n dda mewn tîm i ymuno ag Adran Rheoli Cyfleusterau brysur.  

Bydd disgwyl i’r ymgeisydd llwyddiannus ddarparu gwybodaeth ac arbenigedd am gynnal a chadw adeiladau ar gyfer pob eiddo nad ydynt yn dai, gan gynnwys gwaith cynnal a chadw ymatebol, wedi’i gynllunio a chylchol.  Darparu cyngor a chymorth i'r Tîm Dylunio ar gynnal a chadw adeiladau newydd a chynlluniau adnewyddu a gwella.  Sicrhau bod portffolio eiddo’r Cyngor nad ydynt yn dai yn bodloni gofynion deiliaid y gwasanaeth a'r holl reoliadau statudol. Bod yn bersonol ymwybodol o systemau a phrosesau, a chadw atynt, er mwyn sicrhau cydymffurfiaeth â deddfwriaeth Cynnal a Chadw Adeiladau perthnasol.  

Mae gwybodaeth am, ac ymrwymiad i gydraddoldeb ac amrywiaeth, yn ogystal â dealltwriaeth o bwysigrwydd y Gymraeg a diwylliant Cymru, yn hanfodol.   

Am fwy o wybodaeth, cysylltwch ag Aled Pugh-Jones, Arweinydd Rheoli Cyfleusterau, ar 01978 315630.

Mae Cyngor Wrecsam yn croesawu ceisiadau gan ymgeiswyr cymwys beth bynnag fo'u hil, rhyw, anabledd, rhywioldeb, cred grefyddol neu oedran.

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.