Manylion Swydd Wag

Disgrifiad

Swyddog Gweinyddol - Gofal Cymdeithasol i Blant – Cyllid

Cytundeb Cyfnod Penodol 12 mis

G06 £24,054 - £25,409 y flwyddyn

37 awr yr wythnos – dydd Llun i ddydd Gwener

Disgrifiad:

Mae gan Dîm Gofal Cymdeithasol Wrecsam gyfleoedd cyffrous newydd mewn Gofal Cymdeithasol i Blant. Mae’r tîm Gofal Cymdeithasol wedi cael trawsnewidiad aruthrol yn y ffordd o ddarparu gofal i’n plant, oedolion a theuluoedd yn Wrecsam.

Rydym yn gyflogwr blaengar gyda model hybrid o gefnogi cydbwysedd rhwng bywyd a gwaith, yn arloesi mewn hyfforddiant a datblygu a llawer mwy. 

Mae’r swydd yn y Tîm Cefnogi Busnes yng Ngofal Cymdeithasol i Blant.

Bydd angen i ddeiliad y swydd gyflawni amrywiol ddyletswyddau gan gynnwys awdurdodi ceisiadau ariannol, prosesu a goruchwylio taliadau, cynnal asesiadau ariannol, goruchwylio staff, ymdrin ag arian mân a dyletswyddau ariannol eraill yn unol â’r rheoliadau ariannol.

Er bod y swydd o fewn y Tîm Cymorth Busnes, efallai bydd arnoch angen darparu cefnogaeth i dimau a gwasanaeth penodol ar draws yr adran yn ôl y gofyn, ac efallai bydd gofyn i chi weithio o fewn y tîm hwnnw am gyfnod o amser i ddarparu cefnogaeth er mwyn bodloni galw’r gwasanaeth.

Mae gofynion hanfodol y swydd yn cynnwys sgiliau gweinyddol, cyfathrebu, ysgrifenedig a rhyngbersonol ardderchog yn ogystal â’r gallu i weithio ar eich liwt eich hun. Mae gwybodaeth drylwyr am weithdrefnau swyddfa a chyllid yn hanfodol.

Yn gyfnewid rydym yn cynnig swydd mewn tîm arloesol a deinamig yn ein swyddfa fodern wedi ei hadnewyddu yn Adeilad y Goron.

I gael sgwrs anffurfiol am y swydd uchod, cysylltwch â Rhian Thomas ar 01978 295362 neu anfonwch e-bost at Rhian.Thomas@wrexham.gov.uk

Mae’r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae’n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.